影片
更多
2025-01-06
569 瀏覽
成日聽人講將軍澳係美食沙漠，冇野好食，所以冇咩期望，點知誤打誤撞有驚喜咁搵到間好餐廳，lucky😙話說今晚同個朋友踩完單車去還車，順便係隔離個單車館去個廁所先去食飯，就係咁係個入口見到呢間事事正正既餐廳，咁方便，就走入去試下。餐廳裝修簡約，環境寬敞舒適，仲有個小小圖書corner，我諗d書應該係可以借黎睇既。呢度係掃QR code自助落單，限時一個鐘頭45分鐘。Menu餐廳係屬於西式，選擇算多，主餐牌由前菜、沙律、主菜，pizza、意粉、甜品、飲品…樣樣有齊。而餐廳亦都有set dinner，就算d set唔啱食，亦都可以係主menu單點意粉或者主菜加錢升級做套餐。金沙鹹蛋黃鳳尾蝦$98呢個鹹蛋醬做得唔錯，濃郁得黎又唔會過鹹，不過美中不足係個蝦冇炸到，但係勝在蝦肉食落都算爽身照燒汁煎乾蒜美國牛柳粒$88呢個牛柳粒大大份，好抵食，仲要食落肉質軟腍，鮮嫩多汁，加埋個煎乾蒜仲夠晒惹味，簡直食唔停口日式大阪燒風味煙三文魚薄餅$138呢個pizza不過不失，算得上足料，味道都可以，但係比較其他食物就一般香草青醬雞肉蘆筍意大利粉$108呢個青醬意粉香氣濃郁，同蘆筍加雞肉配搭滿分。至於個雞肉仲要口感
話說今晚同個朋友踩完單車去還車，順便係隔離個單車館去個廁所先去食飯，就係咁係個入口見到呢間事事正正既餐廳，咁方便，就走入去試下。
餐廳裝修簡約，環境寬敞舒適，仲有個小小圖書corner，我諗d書應該係可以借黎睇既。呢度係掃QR code自助落單，限時一個鐘頭45分鐘。
Menu
餐廳係屬於西式，選擇算多，主餐牌由前菜、沙律、主菜，pizza、意粉、甜品、飲品…樣樣有齊。而餐廳亦都有set dinner，就算d set唔啱食，亦都可以係主menu單點意粉或者主菜加錢升級做套餐。
金沙鹹蛋黃鳳尾蝦$98
呢個鹹蛋醬做得唔錯，濃郁得黎又唔會過鹹，不過美中不足係個蝦冇炸到，但係勝在蝦肉食落都算爽身
照燒汁煎乾蒜美國牛柳粒$88
呢個牛柳粒大大份，好抵食，仲要食落肉質軟腍，鮮嫩多汁，加埋個煎乾蒜仲夠晒惹味，簡直食唔停口
日式大阪燒風味煙三文魚薄餅$138
呢個pizza不過不失，算得上足料，味道都可以，但係比較其他食物就一般
香草青醬雞肉蘆筍意大利粉$108
呢個青醬意粉香氣濃郁，同蘆筍加雞肉配搭滿分。至於個雞肉仲要口感一流，肉質嫩滑
是拉差醬雞翼（加左$58升級做套餐）
呢個雞翼非常出色，炸得外脆內嫩，再配呢個微辣既是拉差醬，惹味可口
凍美式黑咖啡
冰涼爽口，微甜帶點苦澀味
仲跟埋個Haagen-Dazs雪糕
張貼
