冬蔭公公 (已結業)

冬蔭公公係沙田都開左好多年，keep住都係勁多人食，水準都保持得唔錯，如果想食香口泰國野時，我都會同朋友食呢間😋 串燒係次次黎我都必叫架！個醬一流，d雞肉燒到好滑。幾分鐘就已經清曬碟。泰式鳳爪辣辣地好惹味，海南雞飯都好好食，仲有埋湯送，食到超飽仲要打包，因為估唔到佢d小食超大碟！叫左個豬頸肉沙津，估唔到肉仲多過菜，勁足料，超多豬頸肉囉，足料到咁😂😂😂係肉食獸的至愛呀！！！我仲叫左杯芒果乳酪特飲，配小食一流，唔係好甜，酸酸地，正！見到隔離位叫左碟小食拼盤超靚超大碟，都有少少後悔無叫，下次多幾個朋友一齊黎食就最正。