影片
更多
2018-05-29
129 瀏覽
朋友住喺沙角邨，之前已經不斷同我介紹呢間餐廳，今晚終於去咗食，果然係值得介紹！同埋間餐廳都算易搵，沙田圍站出左站之後，一條直路行大約10分鐘就到！佢哋六點半先正式開返門，六點三左右到，出邊已經有另外幾個人等緊，等左一陣就入得去。我哋望咗餐牌一陣，就決定嗌個沙律，一個肉眼扒同Pizza。但落餐嘅時候，個侍應佢就係我哋試個T骨扒，比多幾廿蚊，但就有20安士。話係話佢哋餐廳周年活動，平時餐牌係冇嘅，而且呢批靚扒賣晒就冇。我哋猶豫左一陣，決定試吓！落完order之後即刻已經有份麵包食，側邊有啲黑醋&橄欖油俾我哋自己倒，黑醋配麵包真係無得輸！食完個包，沙律就嚟啦！我好鍾意佢啲芝士係大大片咁刨出嚟😍😍😍同埋佢嗰醬係另上，鍾意點幾多沙律醬就點幾多！啲菜好新鮮！chop chop聲呀食個陣！同埋佢隻溫泉蛋起咗唔少作用，啲蛋漿包住啲菜，滑好多，香好多！之後個Pizza都到啦，又係嘅四重芝士Pizza真係好邪惡😂😂😂😂芝士lover一定要試！我唔知有邊幾種芝士，但佢隻隻芝士嘅口感都唔同，你唔會覺得自己淨係食緊一隻芝士，佢加左啲番茄醬係底，食緊嘅時候就唔會覺得佢好漏。個扒！黎啦😍😍勁大塊！但佢條骨就唔係好大
佢哋六點半先正式開返門，六點三左右到，出邊已經有另外幾個人等緊，等左一陣就入得去。
我哋望咗餐牌一陣，就決定嗌個沙律，一個肉眼扒同Pizza。但落餐嘅時候，個侍應佢就係我哋試個T骨扒，比多幾廿蚊，但就有20安士。話係話佢哋餐廳周年活動，平時餐牌係冇嘅，而且呢批靚扒賣晒就冇。我哋猶豫左一陣，決定試吓！
落完order之後即刻已經有份麵包食，側邊有啲黑醋&橄欖油俾我哋自己倒，黑醋配麵包真係無得輸！
食完個包，沙律就嚟啦！我好鍾意佢啲芝士係大大片咁刨出嚟😍😍😍同埋佢嗰醬係另上，鍾意點幾多沙律醬就點幾多！啲菜好新鮮！chop chop聲呀食個陣！同埋佢隻溫泉蛋起咗唔少作用，啲蛋漿包住啲菜，滑好多，香好多！
之後個Pizza都到啦，又係嘅四重芝士Pizza真係好邪惡😂😂😂😂芝士lover一定要試！我唔知有邊幾種芝士，但佢隻隻芝士嘅口感都唔同，你唔會覺得自己淨係食緊一隻芝士，佢加左啲番茄醬係底，食緊嘅時候就唔會覺得佢好漏。
個扒！黎啦😍😍勁大塊！但佢條骨就唔係好大，變相其實都幾多肉食。成件扒切落去已經知道掂！好冧，切落去不斷有啲肉汁必出嚟。我哋叫咗五成熟，睇落就啱啱好👍🏽👍🏽👍🏽食落！個侍應簡直冇介紹錯！好香肉味，好冧！基本上唔點佢個sauce 都可以，原汁原味嘅味道。
佢個沙律醬加左啲沙律醋，同我地嗌嘅沙律唔同，呢個好開胃。
呢餐飯真係好滿意！！同埋我哋走嘅時候都差唔多滿晒座。下次一定返黎encore!!!
張貼
