鮨釧 (已結業)

適逢放假，約咗個朋友出嚟食lunch。我地都係鍾意食日本菜嘅人。從朋友身上得知石門最近有間可以食omakase嘅餐廳，仲要價錢算昂貴，就趁平日小人啲去試吓。自己唔係住喺沙田區呢邊，但都知道沙田區有得食omakase嘅地方應該都唔算多，今次黎到同朋友分別都叫左幸($398)個套餐。成個套餐就包括前菜， 12件壽司，卷物，湯同埋甜品。其中有幾樣我覺得做得比較出色嘅係吞拿魚醬油漬，經過秘製嘅醬油烹調過，吞拿魚食起來充滿鮮味，份量都唔算特別細；另外赤貝壽司上碟時相當精緻，令人都禁不住用相機留影一下。而卷物方便，個人都幾鍾意佢個拖羅蓉櫻花蝦手卷，個人來講，手卷最緊要紫菜夠脆，而且卷內嘅材料都要夠足料，而呢到既卷物喺呢方面都做得不俗。另外炸池魚安康魚肝都整的唔錯，炸池魚上粉得黎粉醬又夠薄，食落又不失魚既鮮味。而秋刀魚都能夠反映出食料的新鮮與否，都知道要夠鮮既秋刀魚先可以做成新鮮既刺生。總括嚟講成餐飯既體驗都算唔錯，平民價得黎又食到omakase。