影片
更多
2008-11-07
14 瀏覽
喺沙田好夜先食飯，西餐茶記都差唔多收工之際，仲有呢間餐廳，幫襯過好多次，次次都幾好，噚晚又係成十點先去食晚飯，當然揀佢啦，佢勝在四大發明粥粉麪飯都有齊外，仲可以打冷，咁多嘢食仲開到咁夜，所以佢越夜越好生意！入去坐低佢仍然如常好旺場，好肚餓唔理咁多，亂叫一通： 叉燒腸粉：皮薄到見到入面啲餡，外表晶瑩剔透，食落滑嘟嘟，入面嘅叉燒仍然有咬口，豉油惹味，正！ 豬大腸拼鵝腸：大腸整得軟綿，滷水味香濃，鵝腸亦夠爽夠彈，墊底嘅花生香脆，好快清碟！ 炒蜆仔肉：因為突然想食所以叫，今次差咗，有碎殼，好咸，應該食粥先好叫！ 臘味蒸盅頭飯：未到冬天都有呢啲嘢食，叫個試吓！臘肉出乎意料嘅瘦，唔太硬，幾好味，臘腸夠香夠肥美，當然啲飯索晒啲油係最好味嘅！食完餐飯都十一點幾，仍然好多夜鬼嚟到，我哋都未算叫夜！
喺沙田好夜先食飯，西餐茶記都差唔多收工之際，仲有呢間餐廳，幫襯過好多次，次次都幾好，噚晚又係成十點先去食晚飯，當然揀佢啦，佢勝在四大發明粥粉麪飯都有齊外，仲可以打冷，咁多嘢食仲開到咁夜，所以佢越夜越好生意！入去坐低佢仍然如常好旺場，好肚餓唔理咁多，亂叫一通：
叉燒腸粉：皮薄到見到入面啲餡，外表晶瑩剔透，食落滑嘟嘟，入面嘅叉燒仍然有咬口，豉油惹味，正！
豬大腸拼鵝腸：大腸整得軟綿，滷水味香濃，鵝腸亦夠爽夠彈，墊底嘅花生香脆，好快清碟！
炒蜆仔肉：因為突然想食所以叫，今次差咗，有碎殼，好咸，應該食粥先好叫！
臘味蒸盅頭飯：未到冬天都有呢啲嘢食，叫個試吓！臘肉出乎意料嘅瘦，唔太硬，幾好味，臘腸夠香夠肥美，當然啲飯索晒啲油係最好味嘅！
食完餐飯都十一點幾，仍然好多夜鬼嚟到，我哋都未算叫夜！
張貼
