農民泰菜 (已結業)

嚟到沙田行旅行社，行到20:00咁上下就揾野食。星期五餐廳一係多人一係有1.5小時食飯限制。我地想傾下旅行社資料，就揾快餐，見到有泰菜快餐，就入嚟。大蝦冬陰公肥牛鍋配白飯 $128有粉絲、木耳、蕃茄、紅蘿蔔，好中式 元素，但又無乜遺和感。冬陰公偏酸，辣d會好d。肥牛大件，算少肥肉既好！白蘿蔔係吸酸後中和之選，食多件仲有香茅味在。大頭蝦係正，蝦頭勁多蝦膏，咬落去有蝦鮮味有口感，唔係流既！白飯超大碗，一男一女食！青咖喱豬頸肉配蒜蓉法包 $62茄子唔係泰國個隻，中式依隻易林同甜少少。紅椒、南瓜同香葉都係配合青咖喱既辣，堅辣辣地。點蒜蓉法包最好，佢都可以配白飯。但點咖哩係法包好！法包脆嫁，多蒜蓉，牛油浸哂落包無馬虎。馬拉盞炒通菜 $42出街食青菜來講比較平又足菜，多汁配飯好。辣度比青咖哩易入口，入門食辣野好。肥牛鍋就跟埋飲品，青咖喱嗰個就要加$5。熱檸水熱檸茶。