影片
更多
2018-03-22
299 瀏覽
今日跟咗朋友去科學園囍慶食晚飯，點咗七餸一湯，食到好飽，仲有甜品送添。杏汁燉白肺湯 - 個湯幾清甜，夠6碗份量，如果熱d更好。瑤柱海味雜菜煲 - 朋友大讚，佢地鍾意個煲嘅湯底，其實材料份量都唔少，抵食。桂花瑤柱炒蛋 - 加埋芽菜炒，增加口感，睇落似家常小菜，都幾好食。北京片皮鴨兩食 - 鴨皮每片都有d肉，片得幾細心，包鴨片嘅麵粉皮嘅質感較為濕、稔，面頭仲有d芝麻，同平時食果d有d唔同，幾特別。而鴨肉用嚟炒苦瓜，苦瓜都好新鮮wor，最後苦瓜俾我O地食晒｡上湯焗加拿大龍蝦伊麵 - 龍蝦新鮮彈口，伊麵吸晒上湯同埋龍蝦汁，好味。蒜蓉蒸南非鮑魚，蒸得非常爽滑 -一碟有4隻，秒殺! 正!蒸沙巴龍躉仔 - 蒸得剛好，肉夠滑，夠4-5人食。甜品有渣渣同埋桂花椰汁糕，渣渣裡面有鷹咀豆，桂花椰汁糕都好食。其實呢度d餸菜都幾好食，價錢唔貴，幾十蚊都有個小菜，而且晚市唔多人(可能因為隔涉咗d)﹐又唔會限時限刻要埋單走，所以朋友聚會約黎呢度都唔錯。小Tips: 消費$400有4小時免費泊車，一家人食飯點都會過$400﹐慳返泊車錢。
杏汁燉白肺湯 - 個湯幾清甜，夠6碗份量，如果熱d更好。
瑤柱海味雜菜煲 - 朋友大讚，佢地鍾意個煲嘅湯底，其實材料份量都唔少，抵食。
桂花瑤柱炒蛋 - 加埋芽菜炒，增加口感，睇落似家常小菜，都幾好食。
北京片皮鴨兩食 - 鴨皮每片都有d肉，片得幾細心，包鴨片嘅麵粉皮嘅質感較為濕、稔，面頭仲有d芝麻，同平時食果d有d唔同，幾特別。而鴨肉用嚟炒苦瓜，苦瓜都好新鮮wor，最後苦瓜俾我O地食晒｡
上湯焗加拿大龍蝦伊麵 - 龍蝦新鮮彈口，伊麵吸晒上湯同埋龍蝦汁，好味。
蒜蓉蒸南非鮑魚，蒸得非常爽滑 -一碟有4隻，秒殺! 正!
蒸沙巴龍躉仔 - 蒸得剛好，肉夠滑，夠4-5人食。
甜品有渣渣同埋桂花椰汁糕，渣渣裡面有鷹咀豆，桂花椰汁糕都好食。
其實呢度d餸菜都幾好食，價錢唔貴，幾十蚊都有個小菜，而且晚市唔多人(可能因為隔涉咗d)﹐又唔會限時限刻要埋單走，所以朋友聚會約黎呢度都唔錯。
小Tips: 消費$400有4小時免費泊車，一家人食飯點都會過$400﹐慳返泊車錢。
張貼
