少爺泰 (已結業)

河畔呢頭好多嘢食，老公阿女都想食冬陰功，今次揀咗泰國菜。好彩早啲嚟，門口越等越多人。特濃冬陰功湯配大頭蝦，味道濃郁，椰汁味香，辣度啱啱好。隻大頭蝦都好新鮮。馬拉盞炒通菜，這個真是不得了，鹹鹹香香，有少少辣，炒得好惹味，非常可口，真的不錯呢！熔岩椰青海鮮焗飯，賣相雖然冇菠蘿飯咁浮誇，但係用個骷顱頭杯裝住椰青水確實有趣，椰漿像熔岩般流出嚟，材料包括兩隻新鮮帶子、兩隻青口、兩隻蝦，蛋炒飯底，飯加咗椰青肉炒，好特別，個汁甜甜地，感覺好可愛。冬蔭功鮮蜆肉螺絲粉，份量都唔少，阿女堅持要吃螺絲粉，仲有佢喜歡嘅蜆，成餐最辣這個，越食越滋味。最後都忍唔住叫咗兩杯凍飲，柚子沙冰同荔枝沙冰，食泰國菜味道都好濃，飲沙冰好解渴。