稻成 (新城市廣場一期)

營業中

休息中

尋晚，一家三口去到沙田新城市廣場地下，一間想食好耐嘅【稻成】晚飯，佢門口仲特登標注咗【好食不止酸菜魚】，入到去感覺地方好大好寛敞，坐位都超寛鬆，環境舒適典雅，我哋坐低各自預算叫自己鍾意嘅餸，啱啱一位叫做阿Yan嘅女仔，走過嚟斟茶同介紹菜式，原嚟佢哋係京川滬菜式，屬於嚐高美集團，此家品牌有6間分店，集團屬下仲有其他如燒肉谷、牛氣、浦和、山一、台式火鍋及西餐等等，我哋本嚟想單點，之後就聽佢建議叫咗個二人套餐，再加個孜然手抓排骨，食完又再叫咗五彩芋圓冰粉同椰汁燉蛋白湯圓。酸菜魚雖然有啲乾辣椒🌶️但係唔算辣，條魚就好新鮮，肉質爽滑，湯入面有酸白蘿蔔及子薑，味道非常好👍燉湯有鮑魚螺頭同菇，好香濃；小籠包咬一啖漏出肉香嘅湯汁，再點一下醋，食落好正，媲美好多上海舖；夫妻肺片好地道嘅四川風味，有啲麻麻辣辣；手抓骨一人一條，直情揸住嚟咬，有啲似蒙古烤肉；值得推介嘅係佢啲甜品，家人都好讚嗰個冰粉，直頭頂瓜瓜👍👍👍嗰個燉蛋白湯圓都好好味😋唔算好甜，又香噴噴✊佢哋嘅服務態度好好，要多謝一個大隻肥仔哥哥，及另外一個姐姐，經常幫我哋斟熱茶同換骨碟，仲有嗰個靚仔經理，都有詢問我哋對佢哋食物嘅意見，非常之有誠