亞蘇爾 (新城市廣場) (已結業)

日前與朋友行開沙田新城市廣場，見到位於一期地下的亞蘇爾，一間葡國菜餐廳，門外排了一大堆人，即時被勾起想試一試既衝動，拉著朋友一齊等左半個鐘。入到餐廳，想食既食物好多，但可惜只有兩人，所以揀左亞蘇爾小食拼盤，貪佢咩都有啲。其中我最中意既就係辣肉腸芝士脆多士，多士焗得夠脆，芝士份量亦多，只食一舊真係唔夠啊。而黑醋豬手亦都相當唔錯，酸酸甜甜既黑醋，與爽口既豬手一起做成冷盤，係一個好開胃既前菜。主食我地叫左至尊鵝肝焗鴨飯，焗到又香又多油既鵝肝，搭上特別既葡式臘腸，一起烹調而成的焗鴨飯，因為用鴨肉絲既關係，不會因為太多肉而膩口，作為一個主食相當適合。