越北牛肉粉專門店 (已結業)

之前嚟過食晚餐覺得ok，今日同朋友食個快lunch揀左依到。趕上1400下午茶，超抵，正！小食清沅蒸粉包 $23見好多枱都有叫依個小食，望落飽滿就跟風！食落有齊肉碎木耳，爽口！蜆港炸蝦餅 $30扁扁乾身都唔錯，好實在肉地。以依個價，質素成正比，真材實料既，唔會粉粉口感咁（姐係多麵粉）。主麵海防蕃茄蟹檬 $66有蟹、蝦丸同扎肉為主，依加少見左多樣款既蟹檬，嚟到又食依款，哈哈！蟹肉既殼都比較軟，輕輕牙咬都得，鮮肉。蝦丸幾彈牙，上左蕃茄湯汁香香噴噴！勁多蕃茄肉，不得了！扎肉有少少爆汁料，比一般好食！越北三寶撈檬 $65唔同嘅香茅肉都有。香茅豬扒幾大塊，厚肉之餘又唔會係好多肥肉！香茅雞翼都大大隻，好香口個雞皮，肉帶汁！扎肉同湯檬個個一樣！+$8 做特飲薄荷青檸梳打清新之選，但叫左少冰都無乜少到。蜂蜜玫瑰柚子茶潤喉飲花香。