Mimila (已結業)

係沙田新城市裡面搵食，朋友想食特別少少，就揀左呢間馬拉菜黎試下。野飲先到，叫左薑汁薏米水（熱，$28），夠辣唔甜，飲落似係自家煲嘅， 夠晒養生。我叫左特濃蝦湯喇沙湯面，配海蝦、手撕雞（麵底摻摻，$108），摻摻即係油麵加米粉。自己唔食辣，見到咁紅嘅湯都淆淆地，喇沙湯底對我黎講已經算少辣，仲有少少椰漿味同蝦味，算係收貨。手撕雞同蝦都正正常常，配料仲有魚片、蛋、豆卜、芽菜等等，都算豐富。因為係商場舖，都預左價錢唔平，味道正正常常，如果口痕想試馬拉菜都可以考慮。