一粥麵 (置富第一城‧樂薈)

營業中

休息中

其實一粥麵都係大家樂集團，所以嘢食水準都唔會太高，但係見到又令人想食🙂。一粥麵，顧名思義有粥有麵🤠，同埋一啲腸粉類。 今日唔太肚餓，一於叫佢嘅炸兩試下，腸粉皮夠唔夠米香嫩滑，炸兩夠唔夠香脆😎😎。都係三十幾蚊就有一碗麵，快食快走都係一個好選擇。炸兩好唔好食，取決於佢嘅腸粉皮夠唔夠滑，同埋炸兩咬落去夠唔夠脆口🤓。 兩者配合加埋一齊，咬落去有少少油份滲出嚟，就代表好嘅炸兩🤭。 加埋我最愛嘅三色混醬，甜醬芝麻同埋麻醬，好簡單嘅食材配料，但係就其實都幾好食😈。一粥麵啲粥其實都唔差，下次再嚟食👻。