炑八韓烤 (偉華中心)

營業中

休息中

成日聽朋友講話呢間嘢貴， 所以都未嚟食過，今日阿仔放半日 ， 喺門口望到餐牌 原來午餐都唔係好貴，咁我哋一家4口就入去試下啦！未叫嘢之前 每位有一碗湯 及泡菜， 平時我唔食泡菜咖，但係今次比我清曬 但係碟牙菜就冇咩味， 所以我哋冇食首先兩位公子分別叫了 照燒雞蛋包飯， D蛋好嫩滑但係蛋包飯裹包住茄汁飯， 我自己就唔多鍾意 ，而雞扒就好好呀 ($48) 及叫咗個 鰻魚蛋包飯， 鰻魚成條上， 夠汁但係個皮小小靭， 味道算ok， ($68)再叫咗個$128燒肉setD牛幾好食，但係D爐邊蛋， 我哋食完其他嘢啲蛋 仲係流質都未熟， 可能我唔識點食， 附送咗啲生菜， 但係我覺得燒黎唔好食， 侍應話啲蛋汁 可以無限添加， 我就冇加到， 因為等到啲蛋熟食一轉已經覺得好飽跟住我就加咗18蚊 食依個蟹肉醬迷你拌飯嘩， 冇得彈，真係好好食 我哋嗌咗1杯 菠蘿特飲 同埋橙汁特飲， o k喇! 冇咩特別。 之後再嗌咗杯凍奶茶， 麻麻地， 所以都冇影到。呢間嘢冇加一，又附送湯及泡菜， 午餐價錢合理， 下次會再試其他款。之前聽啲食評話 服務麻麻地， 我就覺得佢哋係木口左啲既， 但係上菜速度都算快。