菊一壽司

營業中

休息中

石門呢到有幾十間餐廳，因為商場仲係入伙初期，好多都係小店，所以容易尋到寶。呢間日本野性價比真係超高，三文魚係每日新鮮劏，淨係呢樣我諗好多餐廳都做唔到。呢個係我成日食既三文魚拖羅飯 ($54)，另外叫師傅幫我加隻溫泉蛋 (其實唔加蛋都夠食)。三文魚唔洗問，新鮮一條自己處理，唔係買一舊舊切好左戈d番黎解凍。味道其實我覺得好過千兩 (唔太知有咩超好食既三文魚，千兩我覺得算係好好)，有過之而無不及，＄50幾蚊食到仲想點？拖羅碎同蔥一齊食，加少少豉油，份量唔少，正。其實佢蟹籽都係有心思，份量好多，仲要唔係壽司舖冇味戈d橡膠蟹籽，係靚d既貨。另外，雖然唔係個個會食，不過我中意食佢個d配菜，姐係酸瓜同薑。然後你會問，講到咁好點解會係＄54？有咩可能做到呢個價？因為呢間唔係一間餐廳，比較似外賣店，依家可以坐呢個舖出面戈d櫈，或者企係佢bar枱到食，夜晚的話就可以坐係bar枱到食。想食好d就問下師傳，佢會介紹隱藏餐單俾你，有好正既佐口魚附上手卷menu，聽講會出豪華版既海膽帶子手卷戈類，自己了解下啦。