81手工餃子

營業中

休息中

冇錯呀，大家冇估錯，今日我又係嗌咗外送，今晚想食啲滋潤啲嘅嘢，所以嗌咗湯餃，所以叫咗（81手工餃子），其實我之前都食過佢嘅煎餃，我覺得10分出色，所以今次特登試吓佢嘅湯餃。我用咗唔同嘅角度去分析一下今次嘅餐飲體驗。沙葛豬肉湯餃$58份量：有六隻大餃子，尚算夠食。味道：沙角相當甜，切成的形狀大小啱啱好，豬肉有豬肉味冇豬臊味。唔算太鹹，亦唔係好油。另外佢搭配的菜脯亦非常之好食，我估係自家製嘅。另外啊，佢嘅湯係花膠淮山煲豬骨湯，唔會話好有味精嘅味道，相當有誠意。人均消費：真金白銀$58！改善方案：因為今次叫完外賣唔係即刻食，所以因為佢冇分湯隻湯餃會有啲腍，所以如果下次分湯嘅話，我諗個口感會更加好。下次希望試吓雲耳椰菜豬肉煎餃。