芳彩甜品

營業中

休息中

好耐都冇食過糖水,今晚同阿肥兩個都興致勃勃所以一於落街去搵芳彩甜品~太想食燉奶嘅物體,所以就叫咗呢款鮮奶燉蛋白($24蚊),價錢好平民,味道唔算太甜可能因為加咗蛋白所以都幾清,不過鮮奶味就唔係好夠重,普普通通啦。呢款鮮什果牛奶布甸就貴少少,要($34蚊),呢款睇嚟係阿肥每次嚟到都必點嘅甜品之一,因為有齊晒佢鍾意食嘅生果：包括西瓜啦蜜瓜啦哈密瓜啦同埋芒果,而反而另外嗰個牛奶布甸嘅牛奶味道就重好多啦,口感亦都較實在,淋啲花奶落去一齊食簡直就係絕配由於喺油塘區甜品舖嘅選擇都唔係好多,呢間平民嘅價錢+家庭式嘅食物已經算唔錯啦。