蜀府川鍋 (已結業)

同好姊妹去油塘，油塘站一出就係大型商場，本身以為今日兩餐都要係商場連鎖店解決，點知好姊妹竟然帶左我去對面工廠區食海鮮。真係過條馬路就到，非常就腳。對紅色大閘門好有氣勢，門口養住好多新鮮海鮮。餐廳裝修好似海鮮酒家咁，地方好寬敞，仲有卡位。有多款川鍋、海鮮、小菜俾食客選擇，價錢都好合理。避風塘炒蟹，大大隻既肉蟹，肥美飽滿，一上菜，就聞到好香濃既香蒜辣椒味，火喉十足。蒜泥青瓜，青瓜新鮮爽甜，蒜味都好夠。尖椒重慶皮蛋，睇賣相都好吸引，皮蛋晶凝通透，配埋尖椒酸酸辣辣好惹味。呢2道小菜送酒一流，仲要大大碟好抵食。蒜蓉炒油麥菜，翠翠綠綠，炒得剛剛好，油麥菜仲好爽口，而且唔會太油。