龍鳳號 (裝修中)

一直想食好耐，今日終於排到😬下午茶時間雖然無套餐，但有8折優惠，疫情下大家要多支持小店。虎咬豬(刈包)($36)••••••味道好好，五花腩肉入味非常🤤肥膏簡直係入口即溶！瘦肉好軟腍唔痴牙，睇相明顯見到澎湃嘅芫荽，但醬汁嘅蒜香味都好出。包體似濕潤版嘅茶樓叉燒包，好軟熟，醬汁浸濕包底，食起上嚟有啲呢hea，夾唔起焗住用手油淋淋。古早味魯肉飯($38)古早味肉燥飯($36)••••••不能抗拒魯肉飯嘅五花肉😆肉燥飯用豬絞肉無咁肥，汁嘅基底一樣，重鹹，不是甜嘅路線。一啖一啖吃下去，米飯粒粒分明，魯肉肉燥分量足夠伴上整碗白飯🥰。黃金香酥排骨($46)❌不推••••••正價差不多50蚊塊嘅香酥排骨，出來成品係無調味，柴口，無肉汁，乾噌噌嘅炸排骨，失望。