必勝客

營業中

休息中

約咗朋友星期三出嚟食嘢，同佢拜年兼逗利是，朋友係佐敦區返工，所以就諗住係佐敦區食嘢，朝早上網見到Pizza Hut有廣告話大批99元一個，堂食同價，一直都想買個外賣99元大批返屋企食，但怕凍咗嘅pizza 唔好食，所以一直都係得個講字，今日竟然有堂食就一於去試下！pizza 上枱時個樣都可以話係正正常常咁啦，食落去覺得勁油膩，個pizza 好似炸過咁, 似係京式䓤油餅加咗pizza topping 咁樣, 掛係同朋友傾計，又肚餓，所以都照食，食剩幾件pizza 就帶走， 攞起哂所有pizza 之後先發現個pizza 烤盤好多好多油，唔怪得個pizza 食落似炸過啦🙄第二日用抹手紙墊住pizza 放入焗爐翻熱，焗完出嚟張抹手紙係濕哂嘅，證明個pizza真係多油得好離譜。再講講佢地嘅服務，我地大概2點半入坐，非繁忙時間，只有5-6枱客，有兩個年過50嘅侍應，叫佢地落單就直行直過，無反應，另一個二三十歲嘅侍應幫我地落單後又成日唔係樓面，想揾人幫手跟下啲食物，幫手攞調味料都相當有難度！