北京水餃店 (已易手) 新餐廳

睇食評好多人都讚，所以專程去試下。一入去已一陣陣油煙味，地方唔大，只有幾張。蔥油餅-沒有蔥味，因為蔥粒的份量好少好少，而且搓得唔夠勻等，因為食落有部份好鹹，有部份又冇味。上海雲吞-雲吞皮唔厚，又夠大隻，菜同肉份量配合恰好，味道不錯。鎮江排骨擔擔麵-排骨夠入味，肉質唔會好實。湯底好唔掂，沒有花生味，只有少少辣味，似普通有辣味的湯，而D麵身較硬，不是彈牙那種口感。腩汁椰菜-是全晚最好食的，腩汁好野味，幸好食唔出我最討厭的花椒八角味。見有不停的人買外買，餅、煎餃，甚至連菜飯都有人外買，真係咁好食!?雖然食物都ok，不過翻炒的機會不高，因為食完之後成身都係油煙味，都幾難頂。p.s.食評話老闆好好人，我就不見老闆，只眼見老闆娘不停鬧伙記，而且D伙記真係唔多掂，次次都拎錯食物去隔離。