影片
更多
2011-11-26
152 瀏覽
同朋友專程黎赤柱，一心想試試泗益的西多士，是時已屆下午五時，甫進去已見坐無虛席，店員瞥了瞥我們便喊道：＂冇晒西多士啦！＂；無法啦，又冇位又冇想食嘅野，我地唯有轉地方！（其實正值星期六嘅tea time，佢地應該有麵包有蛋也有油鑊，點解店員會話冇晒西多士嘅？？？）行左一陣，見赤柱餐廳光光猛猛，於是就入去！ 入到去除左我同朋友，仲有一pair情侶，而樓面就有三男兩女，人數應該足以應付＂當時只有的＂４位客人，但我地叫左好耐、又揮手，都要等上超過５分鐘先有人施施然過黎落order，而且位女侍應一直板起臉又冇同Ｄ客人眼神接觸！ 話晒都係遊客區，咁嘅服務態度好似有Ｄ問題喎！除左服務態度外，呢度雖然光光猛猛，仲有大電視睇添，但Ｄ檯、椅子，同埋餐牌就好＂立＂、有Ｄ張過膠仲甩甩漏漏、有膠紙撕印、有Ｄ又有油墨化痕／油漬。。。希望佢地可以注意一下！講番食物，我地叫左兩款tea set，分別係： 西多士＋熱檸蜜（$22+$2=$24）西多士味道不過不失，炸得金黃又冇＂火農＂！杯檸蜜仲有成４、５片檸檬咁多添！ 炸蝦餅沙律＋熱央（$22）唔知係咪先入為主，我意會嘅炸蝦餅，應該同越式那種、圓圓的一塊差不多！可是上檯
同朋友專程黎赤柱，一心想試試泗益的西多士，是時已屆下午五時，甫進去已見坐無虛席，店員瞥了瞥我們便喊道：＂冇晒西多士啦！＂；無法啦，又冇位又冇想食嘅野，我地唯有轉地方！（其實正值星期六嘅tea time，佢地應該有麵包有蛋也有油鑊，點解店員會話冇晒西多士嘅？？？）
行左一陣，見赤柱餐廳光光猛猛，於是就入去！ 入到去除左我同朋友，仲有一pair情侶，而樓面就有三男兩女，人數應該足以應付＂當時只有的＂４位客人，但我地叫左好耐、又揮手，都要等上超過５分鐘先有人施施然過黎落order，而且位女侍應一直板起臉又冇同Ｄ客人眼神接觸！ 話晒都係遊客區，咁嘅服務態度好似有Ｄ問題喎！
除左服務態度外，呢度雖然光光猛猛，仲有大電視睇添，但Ｄ檯、椅子，同埋餐牌就好＂立＂、有Ｄ張過膠仲甩甩漏漏、有膠紙撕印、有Ｄ又有油墨化痕／油漬。。。希望佢地可以注意一下！
講番食物，我地叫左兩款tea set，分別係：
西多士＋熱檸蜜（$22+$2=$24）
西多士味道不過不失，炸得金黃又冇＂火農＂！杯檸蜜仲有成４、５片檸檬咁多添！
炸蝦餅沙律＋熱央（$22）
唔知係咪先入為主，我意會嘅炸蝦餅，應該同越式那種、圓圓的一塊差不多！可是上檯後，呢度嘅炸蝦餅竟然係圓形球狀一舊，大小就如一舊鮮竹牛肉咁！味道方面，雖未至於炸粉多於一切，但佢嘅胡椒粉味將蝦味完全掩蓋！
沙律嗎？是大量的菠蘿和桃，加一粒椰果！Ｄ菠蘿好多渣，差唔多咬兩口啜左Ｄ汁就要將Ｄ渣吐出！ Ｄ桃同果粒椰果，唔知係咪之前浸喺檸水入面，因為佢地有好大陣檸檬味。。。。。。幸好杯熱央幾ＯＫ幾滑又唔太澀口，為成個餐挽回分數！
張貼
