古琴雅苑 (QRE Plaza)

營業中

休息中

是夜同事聚會，揀咗呢一間中菜廳，聽聞水準唔錯，大家都好期待。晚飯時段分兩節，六點同八點。六點鐘我哋放工過去一定八點還唔切枱，所以就訂左八點。我哋準時八點鐘到，已經有枱準備好喺度，即刻可以入坐。一行四人，叫咗一個湯，一個前菜，半隻烤鴨，火方，同埋最尾甜品。叫左鈔鍋鹹肉冰豆腐湯，個湯不過不失，其實係因為知道個湯入邊有啲菜，所以先至叫咗呢個湯，當食下菜啦。四小拼係有四款冷盤組成，價格合理。最好食係雞絲粉皮，好濃郁嘅花生醬味，讚主菜係半隻北京烤烤鴨，唔包卷餅咁先試一塊鴨，滿滿都係係鴨油香。皮下面既油脂唔係好厚，所以食多幾片都唔會膩。肉仍然keep到好多汁。配料方面，除咗有青瓜之外，重有蜜瓜同京蔥俾你一齊包。蜜汁燒火方火腿切得好薄，個汁甜度岩岩好，除左夾火腿係個包入面，再用個包點埋落啲汁度食，唔好浪費呀嘛最後食左個高力豆沙當甜品，不錯，作為呢餐晚餐收尾岩岩好。