影片
更多
2018-10-27
123 瀏覽
趁住屋企人生日去食返次4-course dinner set。Chez Bistro位於百樂中心，但內部裝修完全唔會令人覺得係喺商廈入面，枱同枱之間空間幾多，比人自在嘅感覺。餐廳跟足manner嘅serve我哋，不止頻頻幫我哋添水，仲幫我哋鋪埋餐巾。坐定定之後，侍應就捧出一盤暖笠笠嘅法包，喺菜式到前唔洗太餓。一開始以為揀咗個紅莓包，食到外脆內軟又有韌度嘅麵包已經好滿足，估唔到入面仲有大大粒無花果乾，餐前包點都好講究。雖然話係前菜，但份量大到好似main咁。蒜蓉夠晒多同粗粒不在話下，醬汁啖啖牛油香，白酒帶出藍青口嘅鮮甜。平時西餐湯通常都係打得比較稠密嘅款式，但Chez Bistro呢款白菌忌廉湯嘅煮法又唔一樣。除咗將白菌完全打爛，令湯充滿白菌香味之外，廚師仲保留咗白菌粒同肉沫，湯嘅層次更豐富，味道更濃厚。主菜實在令人喜出望外！本來只係抱住一試「本月推介」嘅心態點嚟食，畢竟去扒房，食牛仿似係「不成文規定」，但當試到一次優質豚肉，豬扒絕對唔輸比「王道」！賣相精緻優雅，卻散發住邪惡嘅炭火香。蓋上肉入口油脂香四溢，但完全睇唔見亦食唔到脂肪—肉同油脂分佈極平均！豬肉食起嚟同五成熟牛扒一樣柔軟，原來
趁住屋企人生日去食返次4-course dinner set。Chez Bistro位於百樂中心，但內部裝修完全唔會令人覺得係喺商廈入面，枱同枱之間空間幾多，比人自在嘅感覺。
餐廳跟足manner嘅serve我哋，不止頻頻幫我哋添水，仲幫我哋鋪埋餐巾。
坐定定之後，侍應就捧出一盤暖笠笠嘅法包，喺菜式到前唔洗太餓。
紅莓無花果包
12 瀏覽
0 讚好
0 留言
一開始以為揀咗個紅莓包，食到外脆內軟又有韌度嘅麵包已經好滿足，估唔到入面仲有大大粒無花果乾，餐前包點都好講究。
雖然話係前菜，但份量大到好似main咁。
蒜蓉夠晒多同粗粒不在話下，醬汁啖啖牛油香，白酒帶出藍青口嘅鮮甜。
平時西餐湯通常都係打得比較稠密嘅款式，但Chez Bistro呢款白菌忌廉湯嘅煮法又唔一樣。
荷蘭白菌忌廉湯
12 瀏覽
0 讚好
0 留言
除咗將白菌完全打爛，令湯充滿白菌香味之外，廚師仲保留咗白菌粒同肉沫，湯嘅層次更豐富，味道更濃厚。
主菜實在令人喜出望外！本來只係抱住一試「本月推介」嘅心態點嚟食，畢竟去扒房，食牛仿似係「不成文規定」，但當試到一次優質豚肉，豬扒絕對唔輸比「王道」！
炭燒西班牙伊比利亞黑豚蓋上肉(全橡果)伴大啡菇、BB菠菜配葫蘆瓜蓉
20 瀏覽
0 讚好
0 留言
賣相精緻優雅，卻散發住邪惡嘅炭火香。蓋上肉入口油脂香四溢，但完全睇唔見亦食唔到脂肪—肉同油脂分佈極平均！豬肉食起嚟同五成熟牛扒一樣柔軟，原來豬肉都可以如此令人讚歎。
葫蘆瓜蓉好creamy，帶住天然甜味，又有少少牛油香。
肉下面鋪滿大啡菇片，唔止食到大啡菇獨得嘅香味，菇片吸收晒豚肉油香，味道昇華。
餐茶喺食完main之後奉上，make sure大家認真試清味道。
美味嘅一餐，以甜品作結。雖然心太軟因為器皿形狀嘅原因冇流出朱古力，但入面嘅lava絕對係夠軟又夠滑，朱古力味濃而不膩，蛋糕亦外脆內軟。
法國暖心朱古力布甸伴雪糕
10 瀏覽
0 讚好
0 留言
偶爾獎勵自己，享受同家人一齊「食好啲」嘅時光。
張貼
