影片
更多
2023-07-26
1602 瀏覽
大吃大喝 Guzzle📍油麻地彌敦道525-543號寶寜大廈地下525B號舖呢日我喺尖沙咀睇完牙，同喺附近上堂嘅朋友會合，因為天氣太熱大家都無咩飯癮，所以想搵啲輕食醫肚。咁啱大家都無食到早餐，所以我同佢就揀咗油麻地呢間三文治專門店食返個brunch。呢間小店嘅門面唔大，但三文治種類有數十種，仲不時推出新口味，而且有多款飲品小食選擇，總有一款啱你口味。不過大家要注意，雖然店面有一張細細長長嘅檯仔，但大部份人都係叫外賣拎走食嘅。我哋星期二下午1:30到店，非常多人幫襯，亦有好多外送單，加上條街又熱又曬，所以唔太方便企嚟店舖內食，於是搵咗個商場仔立食。 💰$33鮮芋泥肉鬆三文治 🥪 呢位三文治用咗新鮮芋泥同甜肉鬆，兩種餡料都非常多，好足料！鮮芋泥嘅口感幼滑，無顆粒感，帶有濃郁嘅芋頭香。甜肉鬆係我愛嘅口味，勁有台灣風味，難怪咁多人都叫嚟食！ 💰$33招牌勁芫荽餐肉滑蛋三文治 🥪要用一個字嚟形容呢份三文治，就係「香」！無論係滑蛋、餐肉、芫荽定麵包，都散發住香氣！先講下芫荽滑蛋，本來以為芫荽同滑蛋係分開嘅，估唔到係芫荽炒滑蛋，頗有驚喜。店家用嘅係鮮芫荽，除咗有好清新嘅芫荽香，咬落仲食到有水份，好新
📍油麻地彌敦道525-543號寶寜大廈地下525B號舖
呢日我喺尖沙咀睇完牙，同喺附近上堂嘅朋友會合，因為天氣太熱大家都無咩飯癮，所以想搵啲輕食醫肚。咁啱大家都無食到早餐，所以我同佢就揀咗油麻地呢間三文治專門店食返個brunch。呢間小店嘅門面唔大，但三文治種類有數十種，仲不時推出新口味，而且有多款飲品小食選擇，總有一款啱你口味。
不過大家要注意，雖然店面有一張細細長長嘅檯仔，但大部份人都係叫外賣拎走食嘅。我哋星期二下午1:30到店，非常多人幫襯，亦有好多外送單，加上條街又熱又曬，所以唔太方便企嚟店舖內食，於是搵咗個商場仔立食。
[價錢 Price]
💰$33
鮮芋泥肉鬆三文治 🥪
呢位三文治用咗新鮮芋泥同甜肉鬆，兩種餡料都非常多，好足料！鮮芋泥嘅口感幼滑，無顆粒感，帶有濃郁嘅芋頭香。甜肉鬆係我愛嘅口味，勁有台灣風味，難怪咁多人都叫嚟食！
[價錢 Price]
💰$33
招牌勁芫荽餐肉滑蛋三文治 🥪
要用一個字嚟形容呢份三文治，就係「香」！無論係滑蛋、餐肉、芫荽定麵包，都散發住香氣！先講下芫荽滑蛋，本來以為芫荽同滑蛋係分開嘅，估唔到係芫荽炒滑蛋，頗有驚喜。店家用嘅係鮮芫荽，除咗有好清新嘅芫荽香，咬落仲食到有水份，好新鮮。滑蛋夠厚夠滑，帶有淡淡蛋香，去邊麵包索盡蛋汁，唔會乾柴。嚟到重頭戲餐肉，真係切得非常厚，雖然厚但煎得焦香，脆脆哋嘅口感令我食到停唔到口。
[價錢 Price]
💰$38
士林台式香酥蛋餅 (三款)
除咗三文治外，店舖亦有供應各種台式小食，就例如呢款士林台式香酥蛋餅。愛食得健康嘅朋友揀咗三款配料，西生菜、肉鬆、黑椒磨菇。三款入面我最鍾意黑椒磨菇，除咗因為黑椒味好香外，菇亦炒得好好，唔會過份爽口或淋身。西生菜夠清新，配上海量肉鬆令蛋餅唔會過plain，係幾好嘅combo！蛋餅係蔥抓餅呢嘅，酥香滋味，加埋燶邊蛋同大量美奶滋，雖然同我最近喺台灣食嘅蛋餅唔同，但別有一番滋味。
[價錢 Price]
💰$15
香芋地瓜球 (6粒)
呢度嘅小食平得離譜，6粒爆餡香芋地瓜球都只係$15，真係異常貼地。而且佢絕對唔係空心地瓜球，係即叫即炸，雖然代表等待時間耐咗，但食到熱辣辣勁脆口嘅地瓜球都係值得嘅。地瓜球內嘅香芋餡除咗好重芋頭味，仲略帶奶香，我同朋友都覺得係抵食又飽肚嘅高質小食。
張貼
