村爺爺車仔麵 (已搬遷) 新店位置

平日繁忙時間多數無位坐，預啱初五放假又過埋下午茶時段過行過旺角呢頭咪嚟睇下…竟然有位坐，就再次試下佢哋個龍蝦湯底先，因為佢主打呢個湯底，其他地方車仔麵好難搵到龍蝦湯底，今次食番都果然保持到水準，湯仍然好鮮味，車仔麵嘅餸都係夠晒入味，而食車仔麵我必定會叫嘅豬皮、魚蛋、牛肚、牛筋都係非常之入味，你哋看看圖中豬皮嘅顏色便知有幾入味，加上我比較喜歡佢麵同餸係分開上，咁就可以飲到佢啖龍蝦靚湯嘅真正鮮味，只係車仔麵中佢嘅價錢一啲都唔平民，但間中食一兩次又無防嘅