金山海鮮酒家 (已結業)

一路都知油麻地多食市，就約班fd去尋食，行行吓見到呢間好似幾多，當商議緊入唔入去，侍應就出來叫我哋入去試吓，好即管入去試一次店內都幾多人冇乜位剩，侍應忙到唔得閒等你想食乜，叫你想好先過來既然大家想飲啤酒吹吓水，就叫d送酒菜，另外叫侍應介紹d特式菜首先就試吓侍應介紹既雲英雞和上湯中蝦煎米粉底雲英雞，比平時食既雞更嫩滑，雞腎好爽上湯中蝦煎米粉底，平時上湯龍蝦伊麵就食得多，呢個餸都係第一次食，需然中蝦冇龍蝦噤啖啖肉，但中蝦都幾大隻，肉都好新鮮彈牙，米粉就冇伊麵噤滑，但煎過既米粉再索左過汁，食入囗有雙重感覺，脆得來又稔稔地，好跟住就到我哋選既送酒菜，豉椒炒花甲，豉椒好嘢味，辣辣地，花甲食落冇沙黃金墨魚餅，好厚好大件，墨魚餅超彈牙炸大腸拼京都骨，炸大腸炸得乾身左d，京都骨用半肥瘦肉排，入口唔覺鞋幾軟滑窩貼鮮蝦小棠菜，未見真身以為係窩貼，見到真身就覺得似春卷，食落囗先知係用蝦溝埋切碎小棠菜打成蝦膠再沾脆漿炸成，口感外脆，內裏蝦肉彈牙而又食到小棠菜，幾重口感馬拉盞通菜，熱辣辣超嘢味最後就係砵酒焗蠔，一開錫紙散發出陣陣砵酒香味，咬落口蠔味濃而帶微微既酒香今餐真係冇得頂