點心到 (鴻星大廈)

營業中

休息中

放學跟同學去咗油麻地一間點心店食晚飯。見到新開，座位又非常寬敞舒適，就入去食。看menu 樣樣點心$20-$30，叫到成枱都係, 2個人買單都唔使$200，食到飽一飽，超級抵食。仲要款款點心都煮得好好味，好有彈性好爽口，唔會淋啤啤用心製作。店員服務態度非常殷勤，要加水既時侯都好迅速，仲要冇收加一服務費。炭燒山楂鴨絲包外脆內軟裏面仲有鴨絲，非常有創意嘅點心。懷舊鵪鶉蛋燒賣好耐未食過有鵪鶉蛋燒賣，燒賣非常爽，鵪鶉蛋亦好新鮮。龍仔金針雲耳雞飯蒸飯吸收晒雞肉嘅精華，再加埋金針雲耳更加出味四寶滑雞扎雞肉超彈牙豬皮非常爽口，再用腐皮包住非常好食。黑松露菜苗餃菜苗非常新鮮、透明嘅餃子皮蒸到剛剛好，再加埋黑松露喺面，吊出蝦肉嘅鮮味。蜆蚧鯪魚球鯪魚球非常爽口，再加埋非常鮮味既蜆蚧，令鯪魚肉增加更多鮮味。濃湯鮮竹卷非常入味嘅鮮竹卷，濃湯仲要吸收晒鮮竹卷材料嘅精華，冇得頂。