影片
更多
2020-11-10
200 瀏覽
剛剛的假期，去左油麻地呢間無敵靚景色既西餐廳食晚飯，當然拎返個窗邊位狂影相😆 由於都接近冬季，所以下午6點去到，其實都睇唔到日落，已經係夜景啦🌃 不過都幾有FEEL，餐廳既窗邊掛有一個波波狀既射燈，化身點點星光點綴..我地叫左2份主菜、1份前菜、餐包、甜品同2杯cocktails! - 美國特級安格斯牛柳 Grilled U.S. Prime Angus Tenerloin牛柳既肉質好軟腍，肉味濃郁，好juicy，完全係入口即溶🤤 呢度既招牌算係牛啦，所以牛扒同牛柳絕對不錯!! 然後我想講佢既薯蓉我勁鍾意食，好幼滑好creamy，應該加左奶煮，奶香味濃..- 烤虎蝦伴香草醬天使麵Grilled Tiger Prawns with Pesto Angel Hair Pasta開邊虎蝦好爽好鮮，而且都幾多肉；香草醬本身係草青色，所以撈落意粉度，會變左青色意粉～天使麵，吸收左香草醬，好入味，好香口，但又唔會太漏，幾清新！.- 蟹肉周打湯Crab Meat Chowder呢個湯幾特別😌 唔會好似龍蝦湯咁重口味，屬於清清地既湯🦀 有絲絲蟹肉，由於話明係周打湯，有用薯仔打既湯，加上忌廉，好crea
.
我地叫左2份主菜、1份前菜、餐包、甜品同2杯cocktails!
- 美國特級安格斯牛柳
Grilled U.S. Prime Angus Tenerloin
牛柳既肉質好軟腍，肉味濃郁，好juicy，完全係入口即溶🤤 呢度既招牌算係牛啦，所以牛扒同牛柳絕對不錯!! 然後我想講佢既薯蓉我勁鍾意食，好幼滑好creamy，應該加左奶煮，奶香味濃.
.
- 烤虎蝦伴香草醬天使麵
Grilled Tiger Prawns with Pesto Angel Hair Pasta
開邊虎蝦好爽好鮮，而且都幾多肉；香草醬本身係草青色，所以撈落意粉度，會變左青色意粉～天使麵，吸收左香草醬，好入味，好香口，但又唔會太漏，幾清新！
.
- 蟹肉周打湯
Crab Meat Chowder
呢個湯幾特別😌 唔會好似龍蝦湯咁重口味，屬於清清地既湯🦀 有絲絲蟹肉，由於話明係周打湯，有用薯仔打既湯，加上忌廉，好creamy好香滑👍🏻 Staff特別交代要撈勻先飲，因為加左蟹膏，會更加香！.
.
- 扒黑椒吞拿魚伴希臘沙律
Grilled Blackened Tuna with Greek Salad
吞拿魚係刺身果種，特別在於吞拿魚邊邊都灑滿黑椒再用火燒，黑椒味勁香，但又唔會蓋過吞拿魚既鮮👌🏻吞拿魚既味道一向比較淡，但咁樣既煮法反而仲借由黑椒味帶出左吞拿魚既甘香，我覺得幾新奇，可以不妨一試😋 沙律菜清新，而且仲有粒粒芝士，一齊食好開胃.
.
- 意式椰子奶凍伴蜜餞鳳梨
Coconut Panna Cotta with Glazed Pineapple
其實我一向麻麻地食啫哩同奶凍呢類甜品，不過都試下，估唔到食左啖又覺得幾好食, 於是係咁食🤣 首先佢係鳳梨啫哩同椰子奶凍梅花間竹咁擺，配埋一齊食幾香，椰子既甜，中和左鳳梨既酸~ 然後奶凍面上鋪滿粒粒鳳梨，仲有士多啤梨切片，成個甜品好fresh，唔漏!.
.
- Blue Hawaii
Rum, Malibu, Blue Curacao, Pineapple juice & fresh Pineapple
呢杯cocktail好靚，藍綠色漸變既layer，上面仲擺左片菠蘿同葉，視覺上已經吸晴🤩 飲落好有熱帶風情，充滿鳳梨香🍍.
.
- Pina Colada
Rum, Coconut syrup, Pineapple juice, milk, fresh pineapple
呢個同上一杯既味道差不多，都係用菠蘿做主打，不過佢加左椰子糖漿、奶同RUM酒，所以口感會有少少菠蘿椰奶既沙冰咁，比較稠，但味道依然好清爽～.
.
想讚下呢度既service真係好好💓一開始會詳細講解下menu，然後上每道菜時都會介紹下材料或食法，然後食到中間，隻碟有少少醬汁剩左，都會幫你重新上碟～我地想影相留念，staff都好願意協助，態度好有禮貌好nice! 真係大滿足了今餐
美國特級安格斯牛柳
5 瀏覽
0 讚好
0 留言
烤虎蝦伴香草醬天使麵
3 瀏覽
0 讚好
0 留言
黑椒吞拿魚沙律
5 瀏覽
0 讚好
0 留言
蟹肉周打湯
11 瀏覽
0 讚好
0 留言
Blue Hawaii & Pina Colada
4 瀏覽
0 讚好
0 留言
意式椰子奶凍伴蜜餞鳳梨
7 瀏覽
0 讚好
0 留言
張貼
