I Love 戟 - 班戟專門店

營業中

休息中

喺附近返工返到非常疲倦，好容易就記起呢一間雪糕小店，有乜嘢比班㦸更可以治愈心靈呢？呢間小店外表毫不起眼，但只要經過附近都會見到大家手執一個班cake雪糕，最特別嘅係小店將班cake雪糕再加入咗焦糖燉蛋完全係滿足自己三個月忙。今次就叫咗個最出名嘅海鹽味，一拎上手金黃色嘅焦糖脆面真係好吸引好靚，輕輕扑碎就露出下面嫩滑嘅燉蛋，甜度適當，份量亦都唔細，當食晒焦糖燉蛋就見到下面海藍色嘅海鹽雪糕，意外地鹹味雪糕同甜嘅焦糖燉蛋係非常之夾再加上充滿蛋香嘅薄餅真係令人喺味覺以及視覺上都得到滿滿安慰。