影片
更多
2018-05-27
423 瀏覽
一個好朋友話考到政府工，以後收入穩定好多，諗住請我食餐好既。一開始以為佢講下，點知真係食左餐勁既！成間餐廳個環境好舒服，望到海，每枱之間既空位都算大，唔怕比格離位影響到。枱面既擺位都算精緻，而且整體感覺係乾淨既。「翻天覆地」頭盤點左蟹餅，之前係第二啲地方食過，但果間餐廳似乎有取巧之嫌，用左蟹柳作為食材，整體口感一般，所以對蟹餅一直印象唔好。但今日呢個蟹餅係用真蟹肉整，食落有顛覆我口感既感覺。店員落左枱後有仔細介紹呢款蟹餅，蟹餅周圍有三種醬，食果陣可以蘸。我覺得最夾既係綠色既牛油果醬，清清地，幾吊得出蟹肉既甜，呢個作為前菜真係非常唔錯！「面面俱圓」龍蝦汁意大利飯係我成晚最鍾意既主食，雖然睇落份量唔大，但估唔到食落個感覺係夠哂喉，而且好滿足！龍蝦汁味夠哂濃，每粒飯都比龍蝦汁包裹住，中間做到未完全熟哂既效果，呢下幾考廚師既功夫，令成個意大利飯昇華。至於主角龍蝦，大廚將佢開左邊，用叉一吉就可以成舊肉食，好方便。肉質夠鮮甜，唔霉，同個意大利飯好夾，成件事係一定滿分！「恰到好處」燒小豬仔本身以為會好大份，兩個人食唔哂，點知店員話個量其實唔算好多，只係會比小豬最嫩既部份我地食，咁我地就決定照叫。黎到
成間餐廳個環境好舒服，望到海，每枱之間既空位都算大，唔怕比格離位影響到。
枱面既擺位都算精緻，而且整體感覺係乾淨既。
14 瀏覽
0 讚好
0 留言
21 瀏覽
0 讚好
0 留言
「翻天覆地」
頭盤點左蟹餅，之前係第二啲地方食過，但果間餐廳似乎有取巧之嫌，用左蟹柳作為食材，整體口感一般，所以對蟹餅一直印象唔好。但今日呢個蟹餅係用真蟹肉整，食落有顛覆我口感既感覺。店員落左枱後有仔細介紹呢款蟹餅，蟹餅周圍有三種醬，食果陣可以蘸。我覺得最夾既係綠色既牛油果醬，清清地，幾吊得出蟹肉既甜，呢個作為前菜真係非常唔錯！
16 瀏覽
0 讚好
0 留言
23 瀏覽
0 讚好
0 留言
「面面俱圓」
龍蝦汁意大利飯係我成晚最鍾意既主食，雖然睇落份量唔大，但估唔到食落個感覺係夠哂喉，而且好滿足！龍蝦汁味夠哂濃，每粒飯都比龍蝦汁包裹住，中間做到未完全熟哂既效果，呢下幾考廚師既功夫，令成個意大利飯昇華。至於主角龍蝦，大廚將佢開左邊，用叉一吉就可以成舊肉食，好方便。肉質夠鮮甜，唔霉，同個意大利飯好夾，成件事係一定滿分！
19 瀏覽
0 讚好
0 留言
16 瀏覽
0 讚好
0 留言
「恰到好處」
燒小豬仔本身以為會好大份，兩個人食唔哂，點知店員話個量其實唔算好多，只係會比小豬最嫩既部份我地食，咁我地就決定照叫。黎到之後個量真係岩岩好，每人幾件就食完。個皮燒得好脆，肉汁豐富，而且加埋個蘋果配醬，兩者係估唔到咁夾，醬汁可以去除豬既油膩感，食果時蘸埋真係唔同哂。
19 瀏覽
0 讚好
0 留言
26 瀏覽
0 讚好
0 留言
「畫龍點睛」
最後因為我實在太飽，但朋友堅持食埋甜品，咁就只點左一份一齊食。餐廳比左份子雪糕我地食，感覺有啲似太空人雪糕，奶味偏淡。但朱古力部份夠濃，鐘意食朱古力既一家好鐘意！
張貼
