隠家拉麵工場 (已結業)

隱家拉麵位置都幾隱世，係蘋果廣場最入面。店舖細細，外面有部自動售賣機。1點幾黎到仲有每日限定發售10碗嘅拉麵，但不竟第一次黎就試下最基本又最多推薦嘅隱世白伝。食沾麵次數五隻手指頭數得曬，所以食之前都重溫下點樣食先。攪一攪，淹一淹，索一索。第一口嘅感覺係咸。沾麵用嘅拉麵粗身，掛麵效果十足，亦因爲咁所以比較油膩，已經分唔到係麻油定蔥油。原來大boss係紫菜，吸收曬全部咸味。食食下發覺個麵帶有魔性。麵質本身彈牙好味，我發覺只要淹完沾麵汁，再放返係原本碗麵到high走一d汁，就會好味d，冇咁咸。另一個好味要決係落醋，大大減輕油膩感。友人叫咗黑伝，黑蒜感覺好味d。配料除左紫菜仲有一隻糖心蛋、兩片有大大片豚肉。糖心蛋吸曬沾麵汁，變咗糖心滷水蛋，連蛋黃汁都啡啡地。豚肉半肥瘦，唔知係唔係個汁本身都油，蓋咗豚肉嘅油膩感。豚肉味道唔錯。根據指示，沾麵食到最後可以加湯飲。但為咗我嘅血壓、肝功能著想，都係唔飲。睇黎沾麵唔係好岩我。食日本麵都係食返湯拉麵。後記：我同友人都試落芝士粉食，出奇好味。有d來回地獄又折返嘅感覺，又回到充滿咸味嘅沾麵。