東京築地拉麵 (已結業)

藍妹唔知點解對沾麵情有獨鐘，比起一般湯拉麵，見到有沾麵食會更開心！入呢間鋪頭既時候，冇諗過佢有哂藍妹鐘意既雞白湯同沾麵！😱拉麵店通常都係得幾款麵嫁啦，不過唔洗多，最緊要好食！既然藍妹鐘意食雞白湯同沾麵，冇理由唔食啊。😁－蘆薈提子梳打冰好似冇蘆薈？佢就係普通既有汽提子汁，勝在夠大杯。－櫻花蝦沾麵一碗係麵同腩肉，另一碗係蝦湯。麵係自家製既，口感唔錯，偏煙韌，雖然未去到令藍妹好鐘意既程度，但掛湯效果唔錯呢。腩肉一啲都唔硬呢，唔會柴皮咁，厚厚一層肥膏，真係有啲嚇人。😬一大啖咁食落去，油香好重，不過唔可以食得多，太肥膩啦。櫻花蝦湯，蝦味真係好重，就咁飲一啖試下，超咸！😵用麵條沾湯去食，即刻冇咁咸，好惹味呢。整體黎講比藍妹預期出色，如果冇咁咸會好好多。😯－濃厚雞白湯拉麵藍妹係日本食過雞白湯拉麵，覺得好特別，香港亦比較少拉麵店有。呢間既雞白湯拉麵，一定冇日本既咁好食，湯頭清淡，有淡淡既雞湯味，唔錯。😋不過好奇怪，愈食就會愈淡，去到後面直頭覺得冇乜味了。但係雞件值得一讚，唔會老，雞味好濃郁，好好味。😍－胡麻冷菠菜菠菜份量唔少，麻醬超級多，多到酸啊。菠菜唔會好老，凍食好開胃。😉－整體呢餐比藍妹預期好食，