風雲丸 (已結業)

成日見排長龍，終於蒞試一次。喺另一間食沾麵嘅舖頭食過一次沾麵，唔知係唔係因為果日有少少唔舒服覺得好難食，仲作嘔。所以，來到風雲丸，我點香鬆海苔豚角飯($35)：唔係佢主打，味道普通OK啦，其實我本身唔鍾意食豚角多肥膏，但無咩好揀。另外，點咗個沙拉唐揚炸雞($38)，好普通，我比較喜歡隔幾條街哲平。仲有個羽根餃子($35)，都係OK啦，不過我比較鍾意麵屋武藏嘅餃子。仲有蝦子餅碗豚骨魚介拉麵($88)，叫軟麵走荀，來咗個硬麵走荀，叫佢再煮過，再來碗軟麵無走荀。。。唯有自己掉哂啲荀。味道唔啱我，料無咩特別，但啲軟麵條係幾好咬。見隔離枱枱都沾麵，我真係唔敢試。