鶴亀 (已結業)

一直以來都久仰大名今次終於有機會嚟到尖沙咀試呢間沾麵黃店，先說結論，沾麵來講其實都食過唔少，今次係最令人失望嘅一次。首先講門面，感覺上係普普通通嘅日式設計，但唔會有好多拉麵店故意營造嗰種逼夾、坐吧枱嘅感覺。服務都算幾好，會不斷幫你添水，店員亦都親切。而選擇都不過不失，還好啦。終於講到食物：第一、個麵相對而言比較幼身，而且係圓條拉麵，比較難去掛住個湯汁，加上佢個湯汁本身已經比較稀，所以基本上一定要有匙羹嘅輔助先可以完整咁品嚐到湯汁加麵條嗰種感覺。第二、個湯汁明顯唔係經過熬製而成，有味精味，飲完會有口渴嘅感覺，（which解釋到點解經常幫你添水）。第三、配菜都係合格邊緣，溏心蛋唔夠溏心、竹筍唔係爽口而喺有一種林林地嘅感覺，臀肉比較柴，而且好薄。令到我哋出餐廳門口嘅時候見到有人排隊，都覺得好驚訝我只係試過一次，所以只能夠成為一家之言，希望依間店可以一直進步，吸引我第二次惠顧。