麺屋武蔵 (MOKO新世紀廣場) (已結業)

放工經過新世紀，見到呢度有好抵食嘅外賣，即刻買兩份返屋企開飯！幾十蚊就有交易，分分鐘平過自己買餸煮飯要咗一個沾麵同一個飯。沾麵包裝得好好，麵同埋餸係分開放咁樣拉麵就可以保持爽口彈牙！今次要咗白湯，豬骨味濃，拉麵掛湯力高，每條麵都沾到好味嘅濃湯叉燒味道比較淡，糖心蛋就好好味，可惜得半隻 唔夠喉呀！牛肉鯖魚便當都好骨子！分開一格格，唔會啲味道撈埋哂，食落嘅質素同堂食差唔多！我哋仲加左小食。炸雞同餃子味道都好好，不過拎到返屋企就凍咗少少