風雲丸 (已結業)

途經灣仔, 見到路邊有間叫”風雲丸”的日本麵店人頭涌涌, 店裡面座滿了食客在食嘢, 正值午膳食間, 我見店裡面有咁多人食, 心想這間有咁多人幫襯, 一定唔會差, 於是我都排隊等位.  好快便輪到我有位了. 數分鐘之後, 我有位可以入到店內, 睇到Menu, 原來這間有沾麵食, 仲有拉麵, 我最鍾意食日本拉麵了, 於是我叫了一款辛辣豚骨魚介拉麵來食, 熱辣辣的拉麵好快上枱了, 未食都聞到香濃的豬骨湯味及蔥的香味, 白色的豬骨濃湯底面頭浮咗D紅油, 見到都垂涎欲滴, 食一啖拉麵, 哇, 麵的硬度正是我喜愛的, 我鍾意小小硬身的麵條, 因為食落有咬口的, 這拉麵正正煮到我喜愛的軟硬度, 非常好食! 一啖麵伴上一啖辣辣地的豬骨濃湯, 好正! 仲有一大塊厚厚的豚肉, 厚得來但非常林, 而且肥瘦相間又非常入味, 唔怪之得這間店咁多人來幫襯, 食過先知真的好味道!