影片
更多
2013-07-12
219 瀏覽
星期五既lunch再一次從office「遠征」歌賦街。由於location問題，呢度基本上從由邊度行去都係唔就腳。從天橋行過去，除左要經過窄窄既橫街之外，重要上斜路行一段路，大汗淋漓咁at least十分鐘先去到。黎呢度食野最緊要記住越早越好，「早去早享受」，是關人實在太多，就算我搭正十二點準時出發，去到既時候已經十二點十五分了，只能夠勉強攞到最後兩個位，遲黎既人分分中要等半個鐘頭以上先有位坐！黎到呢度點可以唔試最出名既沾麵呢？基本上唔同size（100g/200g/300g）既麵價錢都係一樣，只係麵既份量略有不同。對普通OL黎講，200g應該都夠，不過較為大食既男士最好都係叫300g穩陣D！是日第一次叫左較為爽口既凍沾麵 ($85)，之前都係食熱既多。可能lunch time多人既關係吧，要等成15分鐘先有野食，中間重有唔少人投訴添，睇黎舖頭要喺efficiency方面諗諗辦法。講返D麵，的確凍麵麵身相對熱麵更為爽口，但同時亦都相對比較硬身，呢點對鍾意食「軟腍腍」既麵既人黎講要留意。糖心蛋方面，一般正常貨式，雖然唔可以講得上係「驚天地泣鬼神」既質素，但絕對交足功課在above ave
黎呢度食野最緊要記住越早越好，「早去早享受」，是關人實在太多，就算我搭正十二點準時出發，去到既時候已經十二點十五分了，只能夠勉強攞到最後兩個位，遲黎既人分分中要等半個鐘頭以上先有位坐！
黎到呢度點可以唔試最出名既沾麵呢？基本上唔同size（100g/200g/300g）既麵價錢都係一樣，只係麵既份量略有不同。對普通OL黎講，200g應該都夠，不過較為大食既男士最好都係叫300g穩陣D！是日第一次叫左較為爽口既凍沾麵 ($85)，之前都係食熱既多。可能lunch time多人既關係吧，要等成15分鐘先有野食，中間重有唔少人投訴添，睇黎舖頭要喺efficiency方面諗諗辦法。講返D麵，的確凍麵麵身相對熱麵更為爽口，但同時亦都相對比較硬身，呢點對鍾意食「軟腍腍」既麵既人黎講要留意。糖心蛋方面，一般正常貨式，雖然唔可以講得上係「驚天地泣鬼神」既質素，但絕對交足功課在above average之上。
其他配料好似豚肉條、葱同埋露荀等等既材料都比想像中好，感覺到店家喺選材方面落足心機。至於沾麵D汁，唔知點解同之前幾次食既時候比好似鹹左好多，如果D沾麵放落碗湯之後唔即刻拎返上黎的話，一定鹹到嘔呀！就算去到最後食晒個麵、落埋清湯去飲碗湯都係超級鹹，重有少少酸既感覺，唔通之前沾麵沾剩既湯實在太多？
周月拉麵($85)方面，麵身用左一般拉麵既麵條，唔會好似沾麵咁粗，相對比較易入口之餘麵身亦都可以吸收到湯既味道同埋熱力，非常特別！叉燒方面，肥瘦既比例啱啱好，一口咬落去既時候一啖剛好肥同瘦既感覺都食到，正！唯一少少失色既係糖心蛋，同沾麵果隻拍埋一齊既時候好似有D煮得過熟，糖心感覺略嫌不足，有少少失望！
除左沾麵D湯稍為過鹹之外，overall整體既感覺絕對喺average之上。唯一要批評既係點解乜service都冇重要收我加一呢？除左order同埋送餐過黎之外，完全感覺唔到有任何service，重要加茶都係自己DIY同埋唔收咭添，我真係寧願佢mark up 個價錢但唔收加一好過！
張貼
