魚治 (太古廣場)

營業中

休息中

天氣唔好所以係商場搵食，見到呢間日式居酒屋裝修好似唔錯。兩大兩小，安排咗個梳化位，侍應好細心，俾咗一個大 cushion 我小朋友坐高啲一睇個裝修同埋餐牌，都覺得尖沙咀嗰間好似，原來係同一個集團，不過金鐘呢一間燈光比較暗。幾鍾意呢一度，有好多爐端燒嘅蔬菜：蓮藕、菇、蘆筍、山芋。佢個炸厚豆腐，炸得超級脆，豆腐又滑，超級好食👍🏼👍🏼仲有每次去爐端燒必食嘅鹽燒金目錭，雖然等嘅時間比較長，但係值得的！估唔到星期日都有happy hour買一送一飲 sake & high ball。呢一度絕對係落雨天、炎熱嘅夏天嘅其中一個選擇。最重要係仲有免費泊車。