Running 燒 (已結業)

搵左成個將軍澳，發現原來韓燒店好少選擇，跟住見到呢間，本來見到食評好差又服務更差，唔知老闆已經係轉左人定係檢討過之後，我去到發現又唔係咁喎。首先我係透過open rice預約,去到鋪頭度仍然要拎K既票，拎嘅原因係你可以優先入座。喺好誇張，啲人早過你都可以優先入，而且仲好近食物區添。成件事已經加曬分。5點鐘一到，成層樓都係幫襯緊Running燒。期間都唔發覺有漏單嘅情況，搞笑有一位Senior既男待應勁好人。一路有聽到我同屋企人講既問題，佢即過嚟解答，已經兩次仲有見我喺度剝蝦殼，竟主動遞上濕紙巾俾我生蠔麻麻唔新鮮，打左兩轉都無再叫，反而帶子OK,拎過錫紙兜加牛油加粟米正到暈。仲有個魚都好味，讚。仲有肥牛都係必食，臨走先發現烏冬好滑好彈牙。意外地發現有一直唔喺樂天嘅橙汁好好飲。雪條建議行多幾次，被人話竟然有D字頭品牌。至於之前喺度講嘅亂收費，其實佢個系統都好清晰，唔包既野你一按，個費用已show 喺度.本來諗住渣車嚟，好彩冇咁做。原來唔喺泊pop corn, 要把將軍澳中心先有優惠，真係好好彩。現場仲有一個電子貓送餐，好得意。