影片
更多
2006-10-24
11 瀏覽
上個禮拜有晚放工同媽仔食飯, 佢突然話想去試吓喎(之前同佢提過)本打算坐低食，但可惜地方太細兼冇晒位，所以就索性買外賣返屋企慢慢嘆. 多數海鮮已整熟放係雪櫃凍食，而我地只係買咗３樣嘢咋,如下：~ 法冷西麵包蟹＜－－－主打重點呢類蟹有３種size(每隻價錢168/148/108). 我地揀咗最大果種, 嘻~真係冇吹水，成隻蟹ｄ膏同肉係多到呢．．．．．一個人係食唔晒架～～！！！佢地會幫我地斬件方便食，好好service．講返隻蟹先，咪講笑，d 蟹膏真係超多頂晒角，有實膏同爛膏. 果種蟹膏味我唔識形容，但同平時食開ｄ膏蟹／大閘蟹既膏係唔同架，確係甜ｄ架喎！！！！仲有呀，個蟹蓋底部有勁多蛋白質既物體好香滑（有ｄ似食蛋白咁）但係係好有海鮮味嘅蛋白囉，超甜呀．不過估唔到原來食蟹鉗先係最麻煩（個殼太硬，一定咬唔爛）由於我屋冇架生夾爆佢，只能慢慢用大閘蟹筷子撩ｄ肉出黎食，難處係仲要隔住果個三角位去撩，少ｄ耐性都唔得．嗱～如果覺得$168/隻太貴，可以試下細隻ｄ先($108/隻) 兩個人食一隻都得架喇~ 南非龍蝦仔（$88／隻）＜－－－諗住試吓由於冇晒特大瀨尿蝦， 見佢平平地就買咗一隻試吓， 諗住一人一
~ 法冷西麵包蟹＜－－－主打重點
呢類蟹有３種size(每隻價錢168/148/108). 我地揀咗最大果種, 嘻~
真係冇吹水，成隻蟹ｄ膏同肉係多到呢．．．．．一個人係食唔晒架～～！！！佢地會幫我地斬件方便食，好好service．講返隻蟹先，咪講笑，d 蟹膏真係超多頂晒角，有實膏同爛膏. 果種蟹膏味我唔識形容，但同平時食開ｄ膏蟹／大閘蟹既膏係唔同架，確係甜ｄ架喎！！！！仲有呀，個蟹蓋底部有勁多蛋白質既物體好香滑（有ｄ似食蛋白咁）但係係好有海鮮味嘅蛋白囉，超甜呀．不過估唔到原來食蟹鉗先係最麻煩（個殼太硬，一定咬唔爛）由於我屋冇架生夾爆佢，只能慢慢用大閘蟹筷子撩ｄ肉出黎食，難處係仲要隔住果個三角位去撩，少ｄ耐性都唔得．
嗱～如果覺得$168/隻太貴，可以試下細隻ｄ先($108/隻) 兩個人食一隻都得架喇
~ 南非龍蝦仔（$88／隻）＜－－－諗住試吓
由於冇晒特大瀨尿蝦， 見佢平平地就買咗一隻試吓， 諗住一人一半啱啱好嘛！雖然都係凍食，但隻蝦煮到啱啱熟唔un又唔鞋口, 的確係好用鮮味哦～！！先食蝦身，咬落啖啖肉勁彈牙，肉汁又夠鮮甜～正呀～！我最鍾意蝦頭上D少少蝦膏, 絕對不容忽視，甘香又滑流架．，，必食之選！
其實佢d龍蝦有好多種，呢種最平，貴ｄ當然係大隻好多啦，我地兩個人食，呢個份量差唔多啦
~ 翡翠螺（$３8／８隻）＜－－－見砰就順便
即係咁，在下就唔太喜歡食螺囉，見媽仔想食，食一隻半隻我都哽得落嘅．不過．．唔．．．我自己就唔太喜歡呢個囉．冇乜意見．咁老實講，３８蚊８隻真係抵食架（我曾經係鯉景灣某食店order過係100蚊4隻囉!)
另外, 我見到食嘢嘅人多數都有飲少少紅酒, 唔知係咪好味D呢????
總括黎講～
1. 環境: 真係麻麻, 地方太細, 感覺會好迫.
2. 味道: 我同媽仔都覺得呢餐好好味~痾衣思~ 我地打算下次試第二ｄ海鮮，嘻～！
3.服務: 好好,雖然佢地好忙(不停咁轉來轉去), 但都好有耐性等我地慢慢揀嘢食同分析食邊樣. 而且如果開咗唔靚係唔會比我地喎.
4. 抵食: 雖然食三樣嘢每人平均$150, 但我地都覺得好抵食！
5. 乾淨: 地方細唔多嘢抹,而且仲係好新淨
6. 總體上: 炒蝦拆蟹咁大工程都係外賣返屋企食會好d.
張貼