影片
更多
2016-03-12
729 瀏覽
之前試過Tartes & Pop兩款甜撻「香橙伯爵茶撻」及「蘋果焦糖撻」之後，有好嘢無理由唔預老婆一份，雖然佢唔喺好嗜甜，但甜品佢都喜歡食，揀咗另外兩款估計無咁甜嘅甜撻俾佢試試 。而有關Tartes & Pop嘅介紹，就不妨參考番之前嘅食評 （http://www.openrice.com/zh/hongkong/review/%E4%B8%8A%E7%92%B0-tartes-pop/2541492?con=rvw）。 檸檬榛子朱古力撻（Lemon Gianduja）$45 店內嘅出品分為兩種撻底，一種可以話喺基本嘅原味，另一款就喺朱古力味。眼前依件檸檬撻屬前者，雖然撻底睇落有啲厚，但仍然好脆身，面層嘅檸檬醬酸香鮮活，檸檬味好傳神，軟綿柔滑，酸度有後勁，非一瞬即逝 ；而且，榛子朱古力非只得餅面嗰幾瓣，當然，嗰幾瓣做得又薄又滑，但餅心中間，都抹有一層，所以，細心品嚐之時，檸檬香味過後，就有淡淡榛子及朱古力嘅香甜味 。 黑芝麻抹茶撻（Sesame Matcha）$45 試完一款原味撻底，黑芝麻抹茶撻就屬於朱古力味撻底，若果唔喺店主介紹，真喺唔知喺用上法國著名品牌Va
檸檬榛子朱古力撻（Lemon Gianduja）$45 店內嘅出品分為兩種撻底，一種可以話喺基本嘅原味，另一款就喺朱古力味。眼前依件檸檬撻屬前者，雖然撻底睇落有啲厚，但仍然好脆身，面層嘅檸檬醬酸香鮮活，檸檬味好傳神，軟綿柔滑，酸度有後勁，非一瞬即逝 ；而且，榛子朱古力非只得餅面嗰幾瓣，當然，嗰幾瓣做得又薄又滑，但餅心中間，都抹有一層，所以，細心品嚐之時，檸檬香味過後，就有淡淡榛子及朱古力嘅香甜味 。
檸檬榛子朱古力撻
$45
34 瀏覽
1 讚好
0 留言
黑芝麻抹茶撻（Sesame Matcha）$45 試完一款原味撻底，黑芝麻抹茶撻就屬於朱古力味撻底，若果唔喺店主介紹，真喺唔知喺用上法國著名品牌Valrhona所做。抹茶撻造型好有立體感，頂層喺朱古力味慕絲，做得濃香柔滑；中層則為抹茶慕絲，甘香馥郁；而底層更精采，香脆嘅朱古力撻殼，加入軟熟嘅海綿蛋糕，再配以濃香幼滑嘅黑芝麻慕絲，無論味道，抑或口感，都豐富而有層次，唔能夠錯過嘅推介 。
黑芝麻抹茶撻
$45
30 瀏覽
1 讚好
0 留言
今次離開時，再拎啲單張睇睇，原來，佢哋仲會提供包場服務，任食甜撻，都幾得意！
先後試咗佢哋幾款甜撻，尤其黑芝麻抹茶撻，味道多變，其他亦都喺高水準之作，雖然定價唔平，但以質素而言，絕對物超所值。
張貼
