喜越 (已結業)

前兩日同朋友黎銅鑼灣睇戲，睇完戲見肚餓就係附近搵下野食。呢間舖頭外觀同個招牌有d似甜品店，但原來係食越南菜，又幾靚喎！Menu 有法包、河粉、撈檬、小食；我問老闆有咩推介，佢就介紹我地食法包啦，話呢度主打。我地叫左叉燒法包同手撕牛肉法包法包有辣有唔辣，我地揀左辣啦，估唔到個hot source又幾夾個法包喎！！小小辣刺激下，幾開胃，食完想再食呀！ 個包外脆內軟，唔太乾身，都幾好食！唔似平時d法國面包咁好硬。叉燒法包有叉燒、蛋、扎肉、碎肉、蘿蔔絲。難怪叫House, 材料豐富。個醬汁份量岩岩好，唔會漏晒出黎，而且好好味，我問老闆係咩醬黎，佢話係自家手打蛋黃醬同豬肝醬 ， 真係好用心呀。而另一款手撕牛肉法包就係用新鮮的牛仔骨整個醬汁嘅，牛味好出！ 材料冇上一款法包咁豐富，但味道幾正！另外叫左炸魚餅同埋扎肉粉卷炸魚餅好有魚香，味道唔假，有香草mix埋，個皮炸到幾煙韌👍🏻同個hot source好夾！！我好鐘意呢款小食！！扎肉蒸粉卷唔洗點醬汁都夠味，菇味重，加埋d脆蒜，食落口感豐富。菠蘿冰有勁多菠蘿！！味道係新鮮菠蘿，幾甜幾好飲估唔到呢附近有間咁用心經營的小店真心好食