影片
更多
2015-01-27
3625 瀏覽
隨著九龍塘被內地人佔據，一眾女性密友決定到又一城Agnes b扮下闊太，食個法式晚餐，交換女生心事。由於朋友有買一送一優惠，所以就點左呢度既main course，計返半價都幾抵。Rib eye steak burger ($168)其實呢個價錢單點一個漢堡真係唔算平，理所當然會有較高的期望，但希望愈大失望愈大卻是至理名言。上碟時的幼薯條毫不吸引，感覺同美國餐廳麥當勞的無異，唯一分別大概係呢度的薯條較脆，但食落口都係偏鹹，薯蓉亦唔算多，食一舊薯蓉可能更開心。漢堡包有好香的芝麻味，食落口有粒粒芝麻係幾滿足既，但漢堡就唔夠脆，襯托唔起芝麻的酥香，烘多陣會吸引好多。另外底層漢堡塗上了一層薄薄的牛油，幾香口，亦唔覺得heavy. Rib eye steak就嫌肥膏實在過多，難以同牛扒分離的肥膏部分令同行女友側目，亦令筆者卻步。加上牛扒唔算厚，形狀古怪鬆散，食落口感欠奉。Tiramisu iced chocolate好香朱古力味，但亦都非常甜，所以飲左半杯都無就捨棄左。服務態度：可能我地用the entertainer買一送一關係，侍應態度非常差。落單近乎呼喝語氣，對於人多落單亂的情況亦頻頻面露
隨著九龍塘被內地人佔據，一眾女性密友決定到又一城Agnes b扮下闊太，食個法式晚餐，交換女生心事。
由於朋友有買一送一優惠，所以就點左呢度既main course，計返半價都幾抵。
Rib eye steak burger ($168)
其實呢個價錢單點一個漢堡真係唔算平，理所當然會有較高的期望，但希望愈大失望愈大卻是至理名言。
上碟時的幼薯條毫不吸引，感覺同美國餐廳麥當勞的無異，唯一分別大概係呢度的薯條較脆，但食落口都係偏鹹，薯蓉亦唔算多，食一舊薯蓉可能更開心。
漢堡包有好香的芝麻味，食落口有粒粒芝麻係幾滿足既，但漢堡就唔夠脆，襯托唔起芝麻的酥香，烘多陣會吸引好多。另外底層漢堡塗上了一層薄薄的牛油，幾香口，亦唔覺得heavy.
Rib eye steak就嫌肥膏實在過多，難以同牛扒分離的肥膏部分令同行女友側目，亦令筆者卻步。加上牛扒唔算厚，形狀古怪鬆散，食落口感欠奉。
Tiramisu iced chocolate
好香朱古力味，但亦都非常甜，所以飲左半杯都無就捨棄左。
服務態度：可能我地用the entertainer買一送一關係，侍應態度非常差。落單近乎呼喝語氣，對於人多落單亂的情況亦頻頻面露不悅。
老實講以團購或優惠券進食的餐廳我地有去過，但係以惡劣態度相對的就第一次感受到，令人對法國餐廳幻夢破碎。
張貼
