影片
更多
2018-01-04
185 瀏覽
今日係一個重要嘅日子，要好好慶祝，好想找一間有情調嘅餐廳，同最重要嘅人一齊慶祝一吓。上open rice見上環有間食法國菜嘅餐廳,係一間杜會企業營運嘅餐廳，而佢哋嘅收入扣除成本開支後均全數撥款營運註冊非牟利機構-庭恩兒童中心，協助有語言障礙嘅小朋友克服困難。真係好有意義，值得支持。地點好方便，上環地鐵站附近好就腳，行兩分鐘唔洗就到，餐廳環境好有情調，用作裝飾嘅花，全用真花，酒店級的水平，待應服務周到，對食品材料介紹詳細。當日介紹6 Course Testing Menu,首先提供手制麵包，真材實料，內裹有合桃、乾果。麵包有口感得嚟仍保持軟棉棉，上枱時仍然熱騰騰。跟麵包除了配上牛油外，仲會有番茄蓉蒜香醬及橄欖蓉。第一度菜「北海道帶子二重奏」，賣相吸晴不在話吓，用上”L size”大嘅北海道帶子，一半做刺身配上意大利魚子醬，並附上日本山葵，新鮮味美同魚子醬一齊食，奇味無窮，而另一半配以海鹽煎香，內軟鮮味外皮香脆。第二度菜「香焗大磨菇配新鮮海蝦、魷魚及巴馬臣芝士」上枱時熱辣辣，大磨菇仍很juicy ,巴馬臣芝士焗溶後，芝士味散落在鮮甜嘅海蝦肉同魷魚肉上，成個配合好美味唔會油膩。第三度菜「黑
上open rice見上環有間食法國菜嘅餐廳,係一間杜會企業營運嘅餐廳，而佢哋嘅收入扣除成本開支後均全數撥款營運註冊非牟利機構-庭恩兒童中心，協助有語言障礙嘅小朋友克服困難。真係好有意義，值得支持。
地點好方便，上環地鐵站附近好就腳，行兩分鐘唔洗就到，餐廳環境好有情調，用作裝飾嘅花，全用真花，酒店級的水平，待應服務周到，對食品材料介紹詳細。
當日介紹6 Course Testing Menu,首先提供手制麵包，真材實料，內裹有合桃、乾果。麵包有口感得嚟仍保持軟棉棉，上枱時仍然熱騰騰。跟麵包除了配上牛油外，仲會有番茄蓉蒜香醬及橄欖蓉。
第一度菜「北海道帶子二重奏」，賣相吸晴不在話吓，用上”L size”大嘅北海道帶子，一半做刺身配上意大利魚子醬，並附上日本山葵，新鮮味美同魚子醬一齊食，奇味無窮，而另一半配以海鹽煎香，內軟鮮味外皮香脆。
第二度菜「香焗大磨菇配新鮮海蝦、魷魚及巴馬臣芝士」上枱時熱辣辣，大磨菇仍很juicy ,巴馬臣芝士焗溶後，芝士味散落在鮮甜嘅海蝦肉同魷魚肉上，成個配合好美味唔會油膩。
第三度菜「黑松露蘑菇忌廉湯」，呢個係餐廳嘅招牌菜，黑松露味香濃，蘑菇同忌廉打得好滑口，有回甘味，久久不散。
飲完濃濃嘅蘑菇湯，餐廳會送嚟一杯「香橙雪芭」等客人可以清一吓味雷，以再品嚐下一度主菜，但呢個雪芭都唔簡單，香橙味出衆，冰打得好棉，唔會食食吓有硬塊，回味回味。
第四度菜「香煎比目魚配意大利青瓜,酸豆牛油檸檬汁」比目魚皮脆肉嫩，肉質鮮美，肉色雪白，魚油滿載。
第五度菜為主菜「香煎法國牛柳配配小紅蘿蔔及榛子，紅蘿蔔燒汁及柚子醬」牛柳嫩滑無窮，唔會有根，配上小紅蘿蔔，點上由榛子紅蘿蔔燒汁及柚子打成嘅醬汁，一食難忘。
第六度菜為甜品「蘋果批配呍喱拿雪糕」自家製嘅蘋果批，滿滿蘋果，個皮焗到好香脆，但唔會過乾，配上雪糕同士多啤梨，作為呢個 set 嘅超完美句號。
呢間餐廳值得大力推介，有品質又有心，仲要係杜企營運，良心之選。
18 瀏覽
0 讚好
0 留言
北海道帶子二重奏
18 瀏覽
0 讚好
0 留言
香焗大磨菇配新鮮海蝦、魷魚及巴馬臣芝士
18 瀏覽
0 讚好
0 留言
黑松露蘑菇忌廉湯
13 瀏覽
0 讚好
0 留言
香煎比目魚配意大利青瓜,酸豆牛油檸檬汁
19 瀏覽
0 讚好
0 留言
香煎法國牛柳配配小紅蘿蔔及榛子，紅蘿蔔燒汁及柚子醬
18 瀏覽
0 讚好
0 留言
蘋果批配呍喱拿雪糕
17 瀏覽
0 讚好
0 留言
13 瀏覽
0 讚好
0 留言
21 瀏覽
0 讚好
0 留言
張貼
