Briketenia

營業中

休息中

Briketenia呢個品牌係法國好有歴史嘅米芝連一星嘅餐廳。由現今老闆David Ibarboure同另一米芝連名廚Walter Lok共同創立嘅香港Briketenia分店。第一間落戶觀塘，宜家就係北角𠥔同科學園各有一店。Dinner set 有前菜、主菜同飲品，都係幾百蚊一個人，試到米芝連級一星嘅味道絕對唔貴。西餐第一道就係麵包，配咗佢哋自家製嘅銀鱈魚蛋黃醬。呢啲小心思就已經好唔同一般西餐。前菜要咗一道法式白酒煮青口，同埋忌廉蘑菇湯。青口用咗藍青口，細細隻一啲渣都冇。蘑菇湯好香濃，仲食到蘑粒嘅嫩滑。主菜要咗一個蜆肉忌廉汁香煎鱸魚同埋香烤肉眼扒。先講鱸魚，係佢由觀塘開始一直嘅signature dish。鱸魚煎到好脆，肉質結實。配咗蜆肉忌廉汁，又濃又香滑。肉眼扒都燒到好香，兩味嘅配菜係好好味嘅薯蓉同埋烤蔬菜。最後叫埋杯飲品已經飽到上心口，再欣賞下呢度最大賣點之一就係佢地嘅無敵維港景。