Franape Bar & Restaurant (已結業)

香港地揾好野食緊係上Openrice，咩特色類别既餐廳都有，今次我班frend為食鬼今次就揾咗間係太子食法國菜既新餐廳啤啤佢。間餐廳主打法國菜~法國菜是世界上著名菜系之一，它的口感之细腻，酱料之美味，餐具擺設之華美，簡直可稱之為一種藝術。今次我地可以大飽口服啦。頭盤已經好令我地驚喜，賣相超靚，道菜明顯落咗好多功夫，將油封鸭拆絲配合薯蓉整成蛋形状炸到金脆，外脆肉嫩既口感加上醬汁令人回味無窮。特色肉酱千層麵好有層次感，麵條油韌度適中，加上肉酱同雜菜，麵條配合得天衣無缝。黑松露芝士焗薯條我至爱，松露香味加上濃濃芝士同薯條溶化在一起，美味極了。雜錦德國腸拼盤串燒，我地一致認同色香味俱全，腸仔肉汁鲜嫩加上酱汁同點飾，正。巨型的肉眼扒用石板上菜，配上少量薯蓉伴碟，七成熟加砵酒汁是我最爱，肉質嫩而有口感，非常Juicy，好味道。最後我地點左Thundergod Ale，味道清淡，带有熱带果味，口感回味無窮，適合各款食物同芝士一齊進食。Het Nest Poker Beer，有我最鍾意朱古力焦糖味，飲既時候帶有好香嘅雲呢拿香氣和甜味，適合女士們喜爱。