BriKetenia (已結業)

法國菜同觀塘真係好唔夾，帶著一星大廚嘅名銜黎香港開鋪，睇黎都吸引到一班平民到訪試一試，包括我餐廳位置都方便，係觀塘廣場旁邊，離地鐵站都係行5分鐘左右。餐廳裝修行古舊風格，以現今嘅西餐廳黎比，佢坐位比較闊，坐得好舒適。頭盤食左北海道帶子簿片，賣相都有d睇頭，拍得住高級餐廳，不過味道就比較淡，無乜味咁，如果有多d seasoning 就好。另外頭盤就食左大蝦意大利飯，兩隻蝦幾大隻，不過飯就有d乾，個人就比較鐘意水d嘅 risotto。另外叫左澳洲A6和牛扒，牛肉脂肪多，所以都幾林幾好味，不過始終係澳洲牛，牛味一定無美國牛咁濃，不過都好食！同埋我欣賞佢嘅薯仔批，一層一層疊起，薯仔迷一定鐘意！甜品叫左兩款，老實講，好普通！同法國甜品standard差一大截…有d失望。整體:如果你真係諗住用呢個價錢食到星級菜，我可以話你知你會失望。如果你以平常心去食呢一個西餐，你會覺得佢係觀塘黎講又貴左少少。