District 8 (藍塘傲) (已結業)

今次又黎到藍塘傲搵食啦！最愛靚靚餐廳既我，經過見到呢間法國風滿滿既餐廳，仲要對住個海，有outdoor吹下海風，緊係抵受唔住誘惑，即卡入去食啦！油封鴨腿，脆薯角，蘑菇，蛋今次有啲餓餓地，叫番隻油封鴨脾黎醫下肚！一上到黎，哇！咁大碟既！ 真係好多鴨腿肉！同好多菇咁一齊食， 又滑又香！佢唔係好難既果種鴨，係煮得好嫩，又軟，一食落口成陣鴨油脂香味出晒黎！再有啲菇味平衡番，正呀！加埋大大舊既薯角，真係唔怕食唔飽！ 畫龍點睛既係隻蛋！水狀既蛋一吉啲蛋黃流晒出黎！令到啲鴨肉更加香口，好有層次！真係提升晒成碟食物既味道！