影片
更多
2023-06-23
414 瀏覽
放假去咗中央圖書館吸下書卷味，呢個充滿回憶嘅地方，留成日都唔會悶，差唔多時間就落樓下醫肚，順便吹下水。S1 招牌煙三文魚白汁碎蛋 $69揀咗牛角包，白汁碎蛋夠晒經典，依然好味。如果覺得跟餐咖啡唔夠喉，可以加$5升級至中size，感覺上抵啲T5b 烘芝士白汁碎蛋小班里尼包配迷你香甜粟米有機鮮蘑菇湯螺絲粉 $48咁岩遇着下午茶時間，香脆Panini配白汁碎蛋，蘑菇湯質感較稀，但味道算濃蜜桃撻 +$22以前好鍾意食呢款蜜桃撻，吉士醬唔會好甜，撻皮鬆脆，水準依然！朱古力鬆餅 $25加熱過先送上枱，朱古力味香濃，微脆外層，鬆軟質感，入邊仲有半溶朱古力粒，趁熱食最正！雙球雪糕特濃咖啡配法式蝴蝶酥 +$29為咗食呢個Cafe Glace，我就無加大杯咖啡，而店員好細心，提我係咪需要後上。蝴蝶酥夠酥脆之餘，仲好有牛油香，配埋特濃咖啡加雪糕，好滿足！
放假去咗中央圖書館吸下書卷味，呢個充滿回憶嘅地方，留成日都唔會悶，差唔多時間就落樓下醫肚，順便吹下水。
S1 招牌煙三文魚白汁碎蛋 $69
揀咗牛角包，白汁碎蛋夠晒經典，依然好味。如果覺得跟餐咖啡唔夠喉，可以加$5升級至中size，感覺上抵啲
T5b 烘芝士白汁碎蛋小班里尼包配迷你香甜粟米有機鮮蘑菇湯螺絲粉 $48
咁岩遇着下午茶時間，香脆Panini配白汁碎蛋，蘑菇湯質感較稀，但味道算濃
蜜桃撻 +$22
以前好鍾意食呢款蜜桃撻，吉士醬唔會好甜，撻皮鬆脆，水準依然！
朱古力鬆餅 $25
加熱過先送上枱，朱古力味香濃，微脆外層，鬆軟質感，入邊仲有半溶朱古力粒，趁熱食最正！
雙球雪糕特濃咖啡配法式蝴蝶酥 +$29
為咗食呢個Cafe Glace，我就無加大杯咖啡，而店員好細心，提我係咪需要後上。蝴蝶酥夠酥脆之餘，仲好有牛油香，配埋特濃咖啡加雪糕，好滿足！
張貼
